Познатиот магионичар и илузионист Дејвид Коперфилд поседува тропски рај на Бахамите и е подготвен да го сподели со секој што има длабок џеб. Бившата љубов на Клаудија Шифер го издава островот Муша Ки за 37.000 долари дневно.
Оние кои имале можност да го посетат овој рај на земјата признаваат дека тоа е можеби најлуксузниот приватен остров на светот. Расположен на повеќе од 600.000m2, ултра луксузниот ресорт е во центарот на тиркизна бистра водна површина и уреден во егзотичен тропски стил.
Островот на човекот кој направи Статуата на слободата да исчезне, нуди голема приватност, затоа што на него може да престојуваат најмногу 24 лица кои се дојдени заедно со оној кој го изнајмува.
