Згодниот Адам Левин го покажа својот софистициран дом за списанието Architectural Digest. Познатиот фронтмен на музичката група Maroon 5 ја претстави својата куќа, чиј ентериер е хармоничен спој на елементи карактеристични за средината на минатиот век и современиот модерен стил.
Лоцирана на Hollywood Hills, куќата е далеку од бучниот Холивуд и нуди приватност каква што посакуваат повеќето ѕвезди.
„Се заљубив во локацијата и во приватноста. Тоа е Холивуд, но без да биде Холивуд“ – изјавил Левин.
Адам, кој неодамна ја прекина својата врска со манекенката Ен Ви, бил особено внимателен во однос на тоа што внесува во својот дом. „Уредувањето на домот не е поразлично од одењето во студио и создавањето на музика. Треба да се осигуриш дека сè си одговара, до сите тие дополнителни детали, за на крајот секој шев да има уникатно твој контекст“ – дополнил Адам.
