Почина Пит Брнс, пејачот на бендот Dead or Alive, кој го издаде хитот „You Spin Me Round (Like a Record)“. Славниот Англичанец имаше 57 години кога издиша за последен пат како последица на срцев застој.
Неговиот тим ја потврди тажната вест и го нарече Пит „вистински визионер“ и „прекрасна талентирана душа.“Меѓу популарните песни кои се врзуваат за името на Пит се „Brand New Lover“ и „Something in the House“. Dead or Alive планираше да објави нова компилација на 28 октомври.
Откако ја напушти музичката индустрија, Пит се посвети на својата опсесија со пластичната хирургија. Се претпоставува дека тој има направено над 300 естетски интервенции.
Во интервју во 2010 година тој признал дека никогаш нема да престане да го менува својот изглед. „Она што го гледате однадвор е потполна спротивност на она што е внатре“ – изјавил тој.
Фотографиите направени неколку месеци пред неговата смрт покажуваат колку далеку стигна неговата мисија за менувањето на изгледот.
