Метју Меконахи и Камила Алвес присуствуваа на две свечености за време на нивниот престој во Саудиска Арабија.
55-годишниот актер и неговата 41-годишна сопруга не го пропуштија концертот на „Life Is A Dream“ на Ентони Хопкинс, кој се одржа во Ријад.
На овој настан, Камила освојуваше погледи во елегантна креација со наметка од модниот волшебник Ели Сааб, додека Метју носеше класичен црн костум.
Славниот пар присуствуваше и на доделувањето на „Joy Awards“, каде Метју се закити со наградата Личност на годината.
На виолетовиот тепих, Камила шармираше во жолта креација со еден ракав и златни реси од Оскар де ла Рента.
Метју и Камила се заедно од 2006 година, а стапија во брак во 2012 година. Тие заедно имаат три деца.
