Бијонсе настапи со ќерката Блу Ајви за првпат по обвиненијата врз Џеј Зи за силување

Бијонсе се врати на сцената за првпат откако Џеј Зи беше обвинет за силување на 13-годишно девојче.

43-годишната пејачка настапи на полувремето на NFL во стадионот НРГ во Хјустон.

За изведбата токму на Божиќ, музичката ѕвезда беше придружувана од својата 12-годишна ќерка Блу Ајви. Облечена во бела комбинација со корсет и шешир, таа танцуваше покрај својата славна мајка.

Настапот со Блу Ајви:

По настапот, многумина коментираа за висината на Блу Ајви, која ја надмина Бијонсе.

Изминатиот период, актуелна тема во медиумите се тужбите за Џеј Зи, кој е обвинет дека во 2000 година, заедно со Пи Диди силувал 13-годишно девојче.

Џеј Зи преку официјално соопштение ги отфрли сите обвинувања.

„Ми се крши срцето единствено за моето семејство. Со сопругата треба да разговараме со нашите деца, од кои едното е на возраст на која нејзините пријатели сигурно ќе прочитаат во медиумите и ќе прашуваат за вистината зад овие тврдења, и да им ја објасниме суровоста и алчноста на луѓето“ – напиша Џеј Зи.

Покрај Блу Ајви, Бијонсе и Џеј Зи имаат уште две близначиња.