Арнолд Шварценегер, неговата поранешна сопруга Марија Шривер и останатите членови од семејството присуствуваа на премиерата на третата сезона од „The White Lotus“ во Менхетен.
Поводот беше улогата на Патрик Шварценегер, синот на Арнолд и Марија, во овој дел од серијата. 31-годишниот актер со широка насмевка позираше пред фоторепортерите со својот славен татко, мајка си, сестрите и братот, како и со својата вереница Аби.
Патрик се фотографираше одделно со својот 77-годишен татко, кој се раздели од сопругата во 2011 година откако се дозна дека тој зачнал дете со куќната помошничка додека бил во брак. Неговиот вонбрачен син сега има 27 години, исто колку што има и синот Кристофер, кој тој го има со Шривер.
Всушност, неговите двајца синови се родени само пет дена еден од друг.
Арнолд и Марија стапија во брак во 1986 година и заедно имаат четири деца – Кетрин, Кристина, Патрик и Кристофер.
Шривер е внука на покојниот претседател на САД, Џон Ф. Кенеди.
