Ангела Меркел повторно ја присвои титулата најмоќна жена на светот. Германската канцеларка е на самиот врв на листата со влијателни жени која ја составува списанието „Forbes“.
Угледната политичарка во изминативе 12 години се има појавено на листата на „Forbes“ 10 пати, а 9 пати била на позиција број 1.
Хилари Клинтон, која има големи шанси да стане претседател на САД, е на второто место, а веднаш зад неа е сопругата на Бил Гејтс, Мелинда Гејтс.
Најмоќни жени 2015
Четвртото место ѝ припадна на Џенет Јелен, претседателката на Управата на федералните резерви на САД, додека на петтото место е директорката на General Motors, Мери Бара.
Директорката на ММФ, Кристин Лагард, е на шестото место, а претседателката на Бразил, Дилма Русеф на седмото.
Од славните дами во шоу-бизнисот, Опра Винфри е на 12. место, а Бијонсе на 21. место. Главната уредничка на „Vogue“, Ана Винтур, е на 28. место.
На листата се и Елен Деџенерис (50. место), Анџелина Џоли (54. место), Софија Вергара (57. место), Тејлор Свифт (64. место) и Шакира (81. место).
Целосната листа можете да ја погледнете тука.
