Германската канцеларка Ангела Меркел е прогласена за најмоќна жена на светот за 2013 година според списанието Forbes. Во изминативе десет години, Меркел осум пати се појавува на листата „100 најмоќни жени“, а седум пати застанува на првото место.
Ангела Меркел
На второто место на листата е претседателката на Бразил, Дилма Русеф, додека третото место ѝ припадна на сопругата на Бил Гејтс, Мелинда Гејтс.
На четвртото место е првата дама на САД, Мишел Обама, а веднаш зад неа е поранешниот државен секретар на САД, Хилари Клинтон.
Мишел Обама
Од славните дами од шоу-бизнисот, Бијонсе и Опра Винфри влегоа во Топ 20. Опра застана на 13. место, а Бијонсе се искачи до 17. место.
Опра и Бијонсе
Анџелина Џоли, која во последната година ја интензивира соработката со УНЦХР е на 37. место, а веднаш зад неа е актерката Софија Вергара.
Анџелина Џоли
Главната уредничка на американскиот Вог, Ана Винтур, е на 41. место, додека пејачката Лејди Гага е на 45. место.
На листата се и Елен Деџенерис (51. место), Шакира (52. место) и Жизел Бундхен (95. место).
Лејди Гага
Рангирањето на најмоќните жени било извршено според влијанието кое го имаат, сумата пари кои ја заработиле или ја контролираат и присуството во медиумите.
