Бизарниот предизвик Кајли Џенер: Тинејџери си ги „пумпаат“ усните со чаши и капачиња

Бизарен предизвик се шири на социјалните мрежи, а е инспириран од полните усни на реалити ѕвездата Кајли Џенер. Иако медицинските лица предупредуваат дека новиот тренд е опасен, тоа не успеа да ја намали неговата популарност.

Со цел да си ги зголемат усните, многумина ги ставаат своите усни во капаче, шише или чаша, а потоа го вшмукуваат воздухот. Таквата постапка го зголемува протокот на крв во усните и предизвикува значително отекување. Резултатите од предизвикот се споделуваат на социјалните мрежи.

Иако голем број тинејџерки го имаа пробано овој метод за полни усни и претходно, од изминатиов викенд тој започна да се шири не само меѓу адолесцентите, туку и меѓу возрасни лица. Мажи и жени објавуваат фотографии од тоа како изгледале пред и непосредно по прифаќањето на предизвикот.

На најголем дел од фотографиите се гледаат и модринки околу усните. „Новиот тренд е прилично загрижувачки. Не само што може да се предизвика значителна болка, отекување и модрици како резултат на техниките со вшмукување, туку постои и ризик за појава на лузни и трајна деформација доколку се повтори повеќепати“ – предупредува дерматологот Денди Енгелман.

#kyliejennerchallenge� pic.twitter.com/18l889jpwA

— Danté D'Angelø™ (@etnaD_olegnaD) April 20, 2015

Кајли Џенер во изминативе неколку месеци привлекува големо внимание со своите полни усни. Таа ги негираше гласините дека користи инјекции и филери и откри дека зголемувањето на усните го постигнува со внимателно нанесување на шминка.

Кајли Џенер без и со шминка на усните