По петгодишно отсуство од музичката сцена, американскиот рок бенд Evanescence се враќа со спотот за енергичната песна „What You Want“.
„Ова е повеќе лично видео. Во минатото направивме многу спотови кои беа фантазија, а ова на некој начин нè претставува нас. За промена сакав да направам нешто што ќе го чувствувам како лично. Навистина, во спотот сум силно нашминкана, што не е дел од моето секојдневие, но знаете, тоа е за да се поврземе повторно со фановите“ – изјавила Ејми Ли, фронтменката на групата.
„What You Want“ е песна од претстојниот нов албум на групата, „Evanescence“.
Ејми со својот моќен глас ќе нè потсети на неверојатните хитови „Bring Me to Lifе“ и „Call Me When You're Sober“.
