Женската љубов кон обувките и не е некоја тајна и секојдневно илјадници дизајнери се обидуваат да ги заробат погледите на понежниот пол. Кристијан Лобутин ги шармира жените со црвената боја, па токму обувки на кралот на црвените ѓонови беа прогласени за најсекси обувки за 2012 година.
Црвени лаковани обувки со „боцки“ добија најмногу гласови во анкета на „Footwear News“ и „Saks Fifth Avenue“ во рамките на натпреварот „Секси обувки“.
1. Обувки Кристијан Лобутин
На второто место се најдоа бордо чевли на Стјуарт Вајцман со тенка штикла и елегантна силуета.
2. Обувки Стјуарт Вајцман
Гламурозни сандали на Џими Чу во сребрено-црна комбинација го освоија третото место.
3. Обувки Џими Чу
Високи чизми од превртена кожа и украсени со блескави камчиња од линијата „B Brian Atwood“ на Брајан Етвуд го добија четвртото место.
4. Обувки B Brian Atwood
Победниците беа избрани од 25 финалисти селектирани од модни уредници, од брендови како Маноло Бланик, Кристијан Диор, Николас Кирквуд, Гучи, Џими Чу, Кристијан Лобутин, Брајан Етвуд и др.
Минатата година победија елегантни обувки на Валентино, кои претставуваат софистицирана комбинација од кожа и тантела.
Минатогодишниот победник
