Хајди Клум ќе лансира колекција бижутерија во соработка со компанијата QVC. Колекцијата наречена „Wildlife“ вклучува 25 парчиња кои ќе се продаваат по цена од 30 до 200 долари, а ќе бидат пуштени во продажба на 8 септември. Накитот е изработен од убави камења и метал.
„Единствената причина да носите бижутерија е да носите нешто големо – нешто што не можете да го направите со вистинскиот накит затоа што ќе биде прескапо. Можам да стигнам до повеќе луѓе со бижутеријата, цените се неверојатни и можам да правам големи парчиња. Многу е позабавно“ – изјавила Клум.
Ова е втор обид на Клум да влезе во бизнисот со накит. Во 2006 година таа дизајнираше колекција накит од сребро. Тогаш Хајди заработи тужба од Van Cleef and Arpel, бидејќи нејзиниот накит премногу наликуваше на накитот од најпродавана колекција на компанијата, „Алхамбра“. Тогаш двете спротивставени страни се спогодија, но Клум мораше да прекине со продажбата во летото 2009г.
