Гламур, сексапил и елеганција се преплетуваат во колекциите на Кристијан Лобутин. Супериорното мајсторство на францускиот дизајнер ги поставува неговите обувки на пиедестал во женскиот ум.
Колекцијата есен/зима 2014 е ново поглавје во успешната бескрајна приказна на Лобутин. Впечатливите розови, црвени, виолетови и тиркизни нијанси несомнено се избрани со идејата да внесат свежина во тмурните студени денови и да ја разбијат монотонијата која се поврзува со црната и бежовата боја. Женствените силуети натежнуваат кон класичниот стил, но деталите, како колоритни нитни, зрачат со модернистички шмек.
„Преферирам чевли кои разголуваат пред чевли кои облекуваат“ – призна во една прилика Лобутин. Доследен на својата изјава, тој не пропушти да искористи мрежести материјали и чипка за да ја разголи максимално женската нога.
Правоаголната форма е најзастапена кај чантите со дебело синџирче, додека моделите од колекцијата „Passage“ се одликуваат со „преклоп“ на горниот дел.
