Беспрекорната елеганција на креациите на Ели Сааб молскавично ја освојува секоја жена. А кога креативноста на либанскиот дизајнер е изразена во форма на елегантен невестински фустан, нема сомнеж дека белата креација веднаш станува женски хит.
Колекцијата венчаници Elie by Elie Saab 2013 за брендот Pronovias е сон на идните невести. Познатиот дизајнер ја задржува традиционалната силуета, која ја истакнува тенката половина и како основа користи сјајна свила, тул, сатен и чипка.
Сите детали се рачно изработени – тулот е сечен со ножица, чипката е рачно везена, цветните апликации се редени една по една. Резултатот? Венчаници во кои секоја жена со радост би рекла „ДА“.
