Политичари, холивудски ѕвезди, новинари и бизнисмени синоќа се собраа во Вашингтон за да присуствуваат на традиционалната вечера на Здружението на дописници од Белата куќа.
Освен по шегите на Барак Обама и Конан О’Брајан, вечерта ќе остане запаметена и по гламурот кој дамите го донесоа на црвениот тепих. Кети Пери блесна во зелен фустан од Џамбатиста Вали, Ирина Шајк се појави во црн фустан со чипка од Долче и Габана, Клер Дејнс избра бебешко син фустан од Прада, додека Мишел Докери сјаеше во виолетов фустан од Ели Сааб.
