Софистицирана и суптилно заводлива, бојата која ќе ја одбележи 2015 година се нарекува „Марсала“. Името доаѓа од вино, а дали ќе ве опијани и освои со својот шарм, набрзо ќе дознаете.
Земјената нијанса низ која се мешаат црвена и кафеава боја зрачи со стабилност и оддава самодоверба.
Бојата на годината која ја одредува Pantone има големо влијание не само во модната и козметичката, туку и во сите други гранки на индустријата. Pantone е една од најголемите компании за производство на бои, а позната е по својот систем за стандардизација на боите.
Колоритна историја
Во годината што изминува на пиедестал беше издигната „Radiant Orchid“, нежната пурпурна нијанса која е карактеристична за енигматичната орхидеја.
Фрлете поглед врз боите кои беа избирани од Pantone во годините наназад.
