Краток одговор – прекрасно.
Кога „скандал“ поврзан со Фотошоп ќе се појави на интернет, обично станува збор за „ампутирана“ рака, нога или прст. Вчера на интернет се појавија фотографии на „Victoria’s Secret“ кои не поминале низ магијата на Фотошоп и тоа повторно предизвика реакции, но од друг тип.
На фотографиите позира Дауцен Крус, која изгледа апсолутно прекрасно и без грам дигитална обработка, што уште еднаш ни кажува дека манекенките на VS навистина се едни од најубавите жени на светот.
Дауцен Крус без Фотошоп
Фотографиите всушност откриваат колку „Victoria’s Secret“ има минимална толеранција за малите несовршености. На фотографиите може да се забележат пори на лицето на 27-годишната убавица, мали влакненца под пазувите и минимално црвенило на препоните, мали лузни на нозете, насобрана кожа помеѓу очите предизвикана од собирањето на веѓите и гаќичките во крем боја кои Дауцен ги носи под бикините. Сите тие несовршености најверојатно ќе бидат отстранети кога ќе се појават официјалните фотографии од септемврскиот каталог на познатиот бренд.
Само пред еден месец Дауцен беше жртва на Фотошоп во „Вог“ Кина, кога ѝ беше „отсечена“ едната нога.
Дауцен Крус со „отсечена“ нога во „Вог“ Кина
