Пред да ја открие својата модна визија за сезоната есен/зима 2014, Зухаир Мурад го задржува вниманието на своите клиентки со елегантна „меѓу-сезонска“ колекција.
Вечерната облека вклучува женствени фустани и комбинезони во кои се преплетуваат сензуалност, сексапил и мистичност, додека дневната облека е во построг бизнис стил.
Во меѓувреме Мурад ги објави и рекламните фотографии од кампањата пролет/лето 2014. Колекцијата за претстојната сезона е инспирирана од уметноста на Виктор Вазарели.
Креациите на Мурад сè почесто ги разубавуваат холивудските свечености, а на списокот на негови обожавателки се впишуваат Џенифер Лопез, Ева Лонгорија, Софија Вергара и Тејлор Свифт.
