Тара Лин е една од малкуте девојки кои успешно се пробија во модната индустрија иако нивното тело ни одблиску не наликува на слабите фигури кои доминираат на модните писти и во списанијата.
Убавата Американка беше еден од трите „plus-size“ модели кои привлекоа огромно внимание кога се појавија на насловна на италијанскиот „Vogue“, а потоа придобиваше многу фанови со кампањите за „H&M“.
Сега Тара се појави на една од трите корици на шпанското издание на „Elle“ за ноември, кои целат да прикажат „вистински жени“.
Зад фотографиите од едиторијалот „All About Tara“ стои фотографот Хави Гордо, а на нив Тара самоуверено позира во едноставна облека, смело истакнувајќи ги своите облини.
Тара беше дел од летната кампања на „H&M“, за која шведскиот бренд доби гласни аплаузи.
