Урбан шик: Desigual освојува со забавни модни предлози кои ќе ги посакате во вашата колекција

Обожавате да креирате стилски приказни со препознатлив печат кои зрачат со оригиналност и ноншалантност? Тогаш најверојатно зачестено ѕиркате за новитети во Desigual.

Шпанскиот бренд ја поседува идеалната стилска формула за креирање на впечатливи парчиња коишто отскокнуваат од океанската модна понуда, а тоа е очигледно во актуелната колекција.

Студените денови нè втурнуваат во потрага по јакни кои се истакнуваат и оставаат силен впечаток, па Desigual се тука за да ни асистираат. Можеби едно од најатрактивните парчиња од брендот е ефектниот капут со разнобојни блокови. Но, исто така, урбаните дами не остануваат рамнодушни на капутот во циклама боја кој е магнет за погледи.

Капут Desigual

Со оглед дека се наближува највеселиот период во годината, Desigual нè подготвува со празнични парчиња кои обединуваат елеганција и суптилен гламур. Модерни блузи со светкави пулејки или волуменозни ракави, фустани со доза колорит... време е да мислиме на прослави и радосни моменти исполнети со стил.