Доменико Долче и Стафано Габана соработуваа со Ким Кардашијан за новата колекција „Ciao, Kim“, прикажана за време на Миланската модна недела.
Славните италијански дизајнери ја поканија популарната риалити ѕвезда да избере парчиња облека од нивните минати колекции, поточно од колекциите од периодот 1987-2007. Потоа, следејќи ги нејзините насоки, Долче и Габана го адаптираа нивниот дизајн на денешната мода, а резултатот ги одушеви љубителките на брендот.
„Изминатите неколку дена ми беа како сон... најмагичното искуство и врвот на неверојатното патување кое го имав во изминатите неколку месеци со Стефано и Доменико и целиот тим“ – напиша Ким.
Колекцијата изобилува со црни, бели и сребрени парчиња, надополнети со чипка, кристали и леопардски детали.
Ким ги изненади присутните, затворајќи ја ревијата во блескава креација. Таа беше придружувана од Долче и Габана.
Погледнете дел од останатите креации од колекцијата: