Појавата на новиот коронавирус го промени светот, а влијаеше и врз сите сфери на модната индустрија.
Со цел почитување на препораките за социјално дистанцирање, модниот бренд Balmain одржа ревија на брод во Париз.
Бродот пловеше по реката Сена од Ајфеловата кула до Нотр Дам, додека манекенки на уникатната писта презентираа дизајнерски парчиња од архивата на брендот.
Оливие Рустан, креативниот директор на Balmain, сподели видеа од ревијата:
Модното шоу се одржа во рамките на Париската недела на високата мода, која оваа година добива дигитално издание. Спектакуларната ревија на одличен начин ја одбележа и 75-годишнината од постоењето на Balmain.
