Зухаир Мурад ги претстави фотографиите од модната кампања есен/зима 2015. Ротирајќи околу концептот „поларна принцеза“, либанскиот дизајнер се инспирираше од убавината на зимата, а поточно на снегулките и мразот.
Со елегантните креации за претстојната сезона, Мурад покажа дека експериментираше со мрачен гламур, кој од една страна заведува со мистичноста, а од друга, со воздржаниот сексапил. Силуетите варираат, веројатно со идејата да се задоволат желбите и на најпребирливите дами.
Колекцијата беше презентирана во Париз во март.
