Модните комбинации на Оливија Палермо секогаш мамат воздишки, но позитивни критики редовно привлекува и изгледот на нејзиниот згоден сопруг Јоханес Хибл.
Парот со изострено чувство за стил неколкупати беше фотографиран на ревиите одржани во рамките на Париската недела на модата.
Вчера, 30-годишната трендсетерка и 38-годишниот германски модел беа фотографирани на ревијата на Moncler Gamme Rouge, на која Џамбатиста Вали ја презентираше својата колекција за сезоната пролет/лето 2017. Оливија мамеше погледи облечена во кошула од Зара, панталони од Џеј Бренд и обувки од Живанши.
Палермо и Хибл не разочараа со својот моден избор ниту на ревијата на Валентино во француската престолнина. Познатата модна блогерка шармираше покрај својот сопруг во креации од Валентино. Својот изглед, Оливија го надополни со сандали од Џанвито Роси.
За ревијата на Диор, Оливија избра блуза и здолниште од Диор. Својот стајлинг, таа го финишираше со обувки на високи потпетици од Џанвито Роси.
