Нина Сандбек смело експериментира со својот изглед. Модната блогерка од Норвешка си поигрува со бои и различни стилови, умешно креирајќи стајлинзи кои инстантно заробуваат погледи.
Шармантната вљубеничка во модата денес на Instagram ја следат 460 илјади лица, а нивното внимание таа го задржува со секојдневно споделување на нејзиното богато модно искуство.
„Мојот стил е колоритен и забавен, со специфична љубов кон обувките. Сметам дека живеењето во Норвешка, која е мрачна и студена во текот на зимата, ме натера да сакам да се облекувам повеќе во бои, за да ги разубавам темните денови“ – вели Нина за својот стил.
