Дева Касел е убавицата која ги краси страниците на модното списание „Muse“.
17-годишната ќерка на Моника Белучи и Винсент Касел позираше во креации од Диор пред фото-објективот на фотографката Џулиет Абитбол.
„Се запознав со моделството уште како мало девојче, благодарение на мајка ми и татко ми кои секогаш ме носеа со нив на местата на кои работеа. Но, влегов во овој прекрасен и забавен свет пред неколку години. Ја почувствував искрата додека позирав за време на пробна фотосесија. Тоа беше момент кога сфатив дека сакам да бидам дел од оваа средина“ – изјави Дева во интервјуто за списанието.
На прашањето што ѝ беше најголем предизвик додека растеше пред очите на јавноста, таа одговори: „Од мала, ги гледам моите родители како мама и тато. Одушевена сум од нивниот талент и очигледно многу горда на тоа што го имаат постигнато низ годините, но тоа не ги менува во моите очи. Не можам да речам дека сум се соочила со многу предизвици откако сум пред очите на јавоста, но секогаш имам на ум да бидам претпазлива за тоа како го користам мојот јавен имиџ.“
