Меган Маркл избра гламурозен стајлинг за официјалните веренички портрети со принцот Хари.
36-годишната холивудска актерка блесна во креација од високата мода на британската модна куќа Ралф и Русо, за која странските медиуми пренесуваат дека вреди околу 3,9 милиони денари.
Фустанот е дел од колекцијата есен/зима 2016-2017.
Не беа малку оние кои коментираа дека проѕирниот дел од рачно изработениот фустан е несоодветен за кралски портрет.
За третата фотографија, Маркл носи блуза од Викторија Бекам, што покажува дека веќе се фокусира на британските брендови.
За разлика од Меган, војвотката Кетрин беше поскромна во изборот на својот стајлинг за фотографиите со принцот Вилијам по повод нивната свршувачка.
На нив, Кетрин носеше фустан од Reiss кој веќе го имаше во својот плакар и чини „само“ 10.000 денари, а потоа се пресоблече во кошула од брендот Whistles во вредност од 6.500 денари.
