„Truth or Dare“ – тоа е новиот моден бренд зад кој ќе стои кралицата на поп музиката, Мадона. 53-годишната пејачка одлучила дека ова е идеално време за да создаде моден бренд за возрасни.
Мадона на лансирањето на тинејџерската модна линија „Material Girl“
„Во изминативе неколку години безброј пати ми имаа понудено да создадам сопствен бренд. Тајмингот е совршен и во Iconix видов одлични партнери кои можат да ми помогнат да ја претворам мојата визија во реалност“ – изјавила Мадона.
Модната линија „Truth or Dare“ ќе таргетира жени на возраст од 27 до 50 години и ќе вклучува обувки, чанти, долна облека, модни додатоци и парфеми.
Ова не е прва модна авантура на Мадона. Таа заедно со својата ќерка Лурдес постигна огромен успех со модната линија „Material Girl“, која е наменета за тинејџери.
