Каја Гербер и сестрите Хадид оставија силен впечаток на најновата ревија на Moschino. Славните модели дефилираа со перики и креации во стилот на 60-тите години.
Дизајнерот Џереми Скот ја пронајде својата инспирација во теорија на заговор. Имено, една од теориите алудира на тоа дека Џон Кенеди ѝ кажал на Мерилин Монро дека постојат вонземјани и дека таа била убиена поради тоа што сакала да ја сподели тајната информација со јавноста. Потоа и Кенеди бил убиен затоа што ја споделил тајната.
Сепак, лудата приказна не завршува тука. „Дали всушност Џеки беше вонземјанин? Дали таа стоеше зад сето тоа? Како е можно да беше толку елегантна и силна ако беше човек? Како е можно некој да е подложен на сета таа болка и сè уште да биде совршен? Беше ли реална? Дали таа е андроид?“ - изјавил Скот, објаснувајќи зошто некои од моделите беа со жолта/сина/зелена кожа.
