Ешли Грем ја покани сестра си Абигејл да ѝ биде придружничка во нејзината нова кампања.
31-годишниот модел со облини со помладата сестра ги претстави костимите за капење од колекцијата лето 2019, за која повторно соработуваше со брендот Swimsuits for All.
Фотосесијата била снимена во Доминиканската Република.
„Јас и сестра ми отсекогаш сме имале силно влијание една на друга. Имаме безброј заеднички спомени. Таа отсекогаш беше мојата карпа, чест ми е што ја имам покрај мене за време на оваа фотосесија. Плус, таа е нова мајка и никогаш не изгледала пожешко во костим за капење“ – изјавила Ешли.
Абигејл, исто така, промовира позитивен став кон телото и им порачува на новите мајки да не се оптоваруваат со изгледот по породувањето.
„Запомнете дека во еден момент носевте бебе во себе, живот, што е чудесно. Знајте дека не сте сами во мешавината на емоции кои доаѓаат со мајчинството. Сите овие промени на телото се дел од патувањето на кое сте и кое продолжува“ – порачува Абигејл, која има едногодишно бебенце.
ВИДЕО
Минатата година, Ешли ја сними кампањата со нејзината мајка Линда.
