Лени Клум го проширува своето модно портфолио со нов ангажман. 18-годишната ќерка на Хајди Клум стана амбасадорка на Superga.
Синооката девојка ја сними кампањата за сезоната есен/зима 2022 во Лос Анџелес.
За новата соработка со спортската компанија, таа вели: „Мојата генерација мора да мисли за одржливост и за нашата одговорност кон планетата да изградиме подобра иднина за сите нас. Superga е бренд кој го зема предвид сето тоа при дизајнирањето и реализацијата на идеите, што е уште една причина плус за возбудата што ќе работам со нив.“
Лени од неодамна започна да ги следи стапките на својата славна мајка и тоа мошне успешно. Заедно со Хајди, таа неодамна се најде на корицата на германското издание на Harper’s Bazaar.
