Британски научници откриле супстанција којашто го потиснува апетитот и ја елиминира желбата за консумирање на калорична храна која ни доставува задоволство.
Истражувачите од Универзитетот Манчестер тврдат дека супстанцијата наречена хемопресин ги блокира центрите за задоволство на мозокот и со тоа го намалува задоволството што човек го чувствува кога ќе јаде некоја слатка или мрсна калорична храна. Замислата е да сопреме да јадеме само за задоволство, а да консумираме храна единствено кога чувствуваме глад.
Оваа супстанција природно се произведува во телото и се верува дека може да помогне за создавањето на нови лекови против дебелина.
Пред шест години беше создаден лекот Rimonabant за потиснување на гладот, но имаше многу странични ефекти како зголемена депресија и појава на мисли за самоубиство, па затоа беше повлечен од пазарот.
Британските истражувачи сметаат дека хемопресинот ќе им помогне да произведат лек што ќе ги елиминира овие странични ефекти.
