Ви се грицка нешто? Земете бадеми и уживајте во нивниот вкус. Бадемите го подобруваат здравјето на многу различни начини, а сега научниците покажаа уште и дека се борат против вирусните инфекции како настинка и грип.
Бадемите го зајакнуваат имунитетот и се борат против грип и настинка
Ново италијанско истражување откри дека природните супстанции кои се создаваат во надворешниот слој на бадемите го зајакнуваат имунитетот и со тоа му помагаат на телото да се бори против такви инфекции.
Истражувачите тврдат дека консумацијата на бадеми ја подобрува способноста на белите крвни зрнца да ги откријат вирусите и ја зголемува способноста на телото да го спречи размножувањето на вирусите. За да го докажат тоа, научниците тестирале колку е ефективен екстрактот од надворешниот слој на бадемот во борбата против Herpes Simplex Virus 2.
Потребни се повеќе истражувања за да се утврди колку бадеми треба да се консумираат. Експертите советуваат дека редовната консумација може да им помогне на луѓето да не се заразат со вирус, а на оние кои веќе се заразени, полесно да се борат против болеста.
