Децата растат брзо, понекогаш и со молскавична брзина, па родителите пред да трепнат пред себе имаат возрасни личности. Само фотографиите остануваат да ги потсетат дека нивните најмили некогаш биле „метро и жилет“.
Кога би можеле да ги вратат годините назад, многу родители би го искористиле поинаку времето додека нивните деца се мали. Истражување на „Huggies Little Swimmers“ покажало дека 75% од родителите жалат за нешто што го правеле или не го правеле во детството на нивните најсакани, а 60% од нив би постапиле поинаку кога повторно би имале шанса.
Родителите најмногу жалат затоа што:
- Премногу работеле.
- Премногу се грижеле за малите нешта кои всушност биле неважни.
- Не играле почесто со децата.
- Не оделе на повеќе семејни одмори.
- Не направиле доволно фотографии.
- Поминувале премногу време далеку од своите деца.
- Не снимиле доволно настани и постигнувања во животот на децата.
- Не ги однеле на голем одмор, како патување во Дизниленд.
- Не ги поттикнале да започнат некое хоби или да имаат повеќе хобија.
- Немале заедничко хоби со децата.
- Не им читале доволно често на децата пред спиење.
- Премногу се грижеле да ја одржуваат куќата чиста.
- Не ги носеле децата доволно често да пливаат.
- Не им дозволувале на децата почесто да се вклучуваат во „валкани“ активности.
- Не ги научиле децата да пливаат порано.
- Не биле присутни за време на значајни моменти во животот на нивните деца.
- Не ги искористиле максимално родендените и празниците поминати со децата.
- Биле премногу заштитнички настроени.
- Секогаш биле во очекување на идниот голем настан во развојот на децата, наместо да уживаат во сегашниот.
- Не уживале во повеќе денови поминати надвор со децата.
Во истражувањето учествувале 2.000 родители.
