Понекогаш доволен е еден настан за да се стартува голема трансформација во животот. Џони Лејдер драстично го променил својот изглед, а со тоа и својот живот, откако неговата девојка го изневерила.
24-годишниот Британец тежел речиси 130 килограми кога поранешната девојка го оставила, но со физичка активност ослабел 45 килограми и сега е дел од агенцијата за модели „Catwalk Model Management“.
„Порано многу играв компјутерски игри и наместо да правам нешто друго, се здобив со лоша навика да не излегувам надвор. Со мојата девојка раскинавме бидејќи таа ме изневеруваше, а типот беше навистина слаб. Кога имаш 127 килограми, сè што сакаш е да се ослободиш од нив. Започнав да трчам по 11 километри дневно и веднаш изгубив голема тежина“ – изјавил Џони.
„Не се сметам за привлечна личност, но добивам многу повеќе внимание откако ослабев“ – додал тој.
