Стокхолм е домот на најзгодните мажи на светот

Правите планови за наредното патување со пријателките? Не е лошо да го вклучите и Стокхолм на листата со потенцијални дестинации. Ако може да му се верува на сајтот Traveler's Digest, токму во главниот град на Шведска живеат најзгодните мажи на светот.

Александар Скарсгард

Родното место на актерот Александар Скарсгард од популарната вампирска серија „True Blood“ заврши на првото место на листата на градови со најзгодни мажи. А зошто се Швеѓаните толку привлечни за жените? Од сајтот објаснуваат дека откако еднаш ќе им го освоите срцето и фантазијата на елегантните Швеѓани, тие ќе ви се посветат целосно засекогаш.

Њујорк е вториот „дом“ на најзгодните мажи. Згодните мажи од цел свет доаѓаат во Њујорк за да пронајдат богатство и слава, па не е чудно што по њујоршките улици можат да се видат толку згодни момци.

Амстердам е преполн со сексапилни мажи, кои ги шармираат жените со својата висина, одличниот вкус за облекување и интересните лесни разговори.

Лисабон доаѓа на четвртото место. Мажите кои живеат таму се опишани како високи, харизматични и спортски градени. Кристијано Роналдо е само еден од португалските заводници кои ја прославиле својата земја.

Кристијано Роналдо

Буенос Аирес е петтиот дом на згодните мажи. Секси, сензуални, комплицирани, но шармантни – тоа се мажите на Буенос Аирес, кои се познати и по тоа што се одлични танчари.

Но, треба да знаете и дека Шведска е домот и на најубавите жени според Traveler's Digest. Иако мажите од балканките простори не успеаја да си најдат место на листата со најзгодни мажи, Бугарките се најдоа на петтото место на листата на најубави жени на светот.