Ѕирнете во светот на вештачката интелигенција (AI), која забрзано станува составен дел од дигиталната ера. А во неа, ништо не е невозможно.
„Совршени“ девојки создадени со помош на најновата технологија започнаа да се појавуваат на интернет, наметнувајќи нереални стандарди за убавина. Овие девојки дури имаат и свои профили на социјалните мрежи, каде споделуваат привлечни фотографии.
Мила Софија е една од девојките генерирани со вештачка интелигенција, која има свој Twitter профил. Таа изгледа неверојатно – има убаво лице и тело, патува на егзотични дестинации и постојано е опсипувана со комплименти од обожавателите. Само што... не е реална.
Блогерката Денеј Марсер сними видео за ужасниот тренд со вештачка интелигенција за да испрати моќна порака.
„Ниту една од овие девојки кои ќе ви ги покажам не е реална“ – пишува Денеј.
Стапица на вештачка интелигенција или ново ниво на кој интернетот не е реалност и целосно нова причина за која треба да бидеме информирани.
Во последниве неколку месеци, технологијата AI се појави насекаде.
Таа менува сè – на сличен начин како што појавата на веб создаде МАСИВНИ промени.
Во последно време, се појавија AI девојки низ социјалните медиуми.
Тие се млади.
Тие се многу убави.
И тие прават „реални нешта“ – како одење на фитнес или патување на прекрасни острови.
И покрај тоа, тие НЕ СЕ РЕАЛНИ.
Ова е морничаво на многу нивоа. Но, најважното е што ќе создадат дури поголем притисок кога станува збор за стандардите за убавина – особено за нашите најмали.
Мојата генерација мораше да се справува со модели во списанија.
Нашите деца ќе треба да се натпреваруваат со компјутерски создадена „перфекција“ низ социјалните платформи.
Не знам како да се реши ова. Но, мораме да бидеме информирани. Бидете свесни и внимателни.
Онлајн не е реалност.
И станува понереално со секој изминат ден.
