Кон крајот на месец ноември, или поточно 25 и 26 ноември, Дрога Колинска/Атлантик Група во соработка со Business Intelligence центарот организира меѓународен хакатон, каде што младите и амбициозни вработени, менаџери, претприемачи и претприемачки, ќе се натпреваруваат во решавање на бизнис предизвици за брендот Аргета. Врз основа на претставениот бизнис предизвик, учесниците ќе креираат нов продукт за брендот Аргета или ќе го преобликуваат постоечкиот.
Меѓународниот бизнис хакатон е меѓународен бизнис маратон, натпревар на поединци распоредени во групи, кои решаваат бизнис предизвици. Во светот т.н. хакатоните се пред сè познати како IT хакатони, каде што група на IT стручњаци во два дена се обидуваат да решат различни предизвици или пронаоѓаат нови решенија. Facebook Like копчето е баш создадено на хакатон. Меѓународниот бизнис хакатон оди чекор понапред – натпреварувачите ќе бидат бизнисмени, млади менаџери, претприемачи и претприемачки од целата Југозападна и Западна Европа и ќе решаваат бизнис предизвици, односно т.н. business case-ови, распоредени во меѓународни групи од по 4-5 учесници.
Групата што ќе го реши најдобро бизнис предизвикот, односно ќе предложи најдобро решение, ќе биде победник на натпреварот, каде што ќе добие врвни награди: Харвардова HBX стипендија, 2000€ парична награда, MBA Entrepreneurship модул и богата вреќичка со подароци од Аргета - Дрога Колинска/Атлантик Група!
Пријава на потенцијалните учесници е можна до крајот на оваа недела на следниов линк: http://business-hackathon.com/en/argeta-hackathon/
