„Роденденски подарок“ е прв македонски краткометражен филм за мултипла склероза (МС), кој ја отсликува реалноста и здравствените и социјалните предизвици со кои се соочуваат овие лица во општеството.
„Филмот има прекрасен расплет каде секој може да ја почувствува суровата реалност, гордоста и победата. МС е една од најчестите невролошки нарушувања и причини за инвалидитет кај младите возрасни лица“ – пишува министерот за здравство Венко Филипче.
За овој филмски проект заслужни се Националното здружение за МС и Факултетот за драмски уметности во Скопје. Режисери се Коста Марковски и Дејан Јованов, а актери се Јана Вељановска, Лазе Манасков и Ангела Николовска.
