Незапирлив и во седмата деценија: Кардиологот Сашко Кедев го искачи 11-тиот врв над 8 илјади метри

Сашко Кедев нанижа уште еден успех. Македонскиот кардиолог го искачи 11-тиот врв над 8.000 метри надморска височина од вкупно 14 кои се наоѓаат на нашата планета.

Овој пат, неговата освоена цел беше Гашербрум II, позната и како К4.

Гашербрум II со висина од 8.035 метри е 13-та највисока планина на Земјата. Сместена е на границата помеѓу провинцијата Гилгит-Балтистан, Пакистан, и автономниот регион Синјанг, Кина.

Досега, 62-годишниот Кедев ги има искачено Монт Еверест (8.848 метри), K2 (8.611 метри), Лоце (8.516 метри), Макалу (8.463 метри) Чо-Оју (8.201 метри), Даулагири (8.167 метри), Манаслу (8.163 метри) Нг Парбот (8.125 метри), Анапурна (8.091 метри), Броуд Пик (8.047 метри).

На Кедев му остануваат за освојување уште три врва над 8 илјади метри.

Congratulations to Sashko Kedev #Macedonia and @Imaginetrek team for summiting Gasherbrum II (8,035m). This marks Kedev's 11th ascent of the 1over 8000m.
Thank you Mingma G you are more than a family to u@14peaks #Mountaineering #8000ers #GasherbrumII pic.twitter.com/PlENE9Xeyl
— Ganka Cvetanova (@gankacv) July 29, 2024