Вистински Дедо Мраз ги изненадил купувачите во супермаркет во Англија откако им разделил пликови со банкноти од 50 фунти.
Мистериозниот маж им ги ставал пликовите во кошниците и количките за пазарење на произволни луѓе и повеќето од нив си помислиле дека се работи за некаква промоција.
Заедно со банкнотата тој им оставал и писмо со кое им посакал среќен Божиќ и им објаснил дека не се работи за шега.
Писмото од мистериозниот човек
„Среќен Божиќ. Неодамна имав доволно среќа да дојдам до поголема сума пари, повеќе отколку што ми требаат за мене и за моето семејство. Па, си помислив да споделам дел од нив со други луѓе – приложените 50 фунти се за вас. Се надевам дека ова ќе ви овозможи да имате дополнителна радост овој Божиќ.
Не треба да правите ништо, освен да ги потрошите парите. Ова е реално, нема трик, нема скриена камера или замка. Само имајте среќен Божиќ“ – пишувало во писмото.
Повозрасен пар кој добил ваков плик помислил дека некој се шегува. Ја зеле банкнотата и ја однеле во нивната банка, каде што им потврдиле дека е вистинска. Тие изјавиле дека таинствениот маж се движел брзо и поради тоа немале време да го прашаат што има во пликот. „Тој само ни се насмевна, ни посака среќен Божиќ и продолжи понатаму. Сигурен сум дека раздаваше други пликови. Тоа е толку неверојатен гест. Пликот беше бел и за малку ќе го фрлевме, но среќен сум што не го направивме тоа“ – изјавил пензионер кој добил еден од пликовите.
Неговата сопруга, која е во 70-тите години, од животот дополнила: „Многу сме му благодарни на овој маж за убавиот подарок. Не се работи само за парите. Тој ни покажа дека постојат луѓе кои се искрено добри и несебични, и кои знаат дека има позначајни работи во животот од парите. Не можевме да смислиме друг начин за го контактираме, па решивме тоа да биде преку медиумите.“
