„Ова е еден мал чекор за човек, но огромен скок за човештвото.“
Наскоро изминуваат 50 години откако Нил Армстронг и Баз Олдрин зачекорија на Месечината. Двајцата славни астронаути, а и нивниот колега Мајкл Колинс од мисијата Аполо 11, носеа часовници OMEGA Speedmaster на 21 јули 1969 година, кога се случи историската прошетка.
Четири месеци по враќањето на астронаутите на Земјата, OMEGA организираше вечера во нивна чест и претстави специјално издание на Speedmaster. Компанијата изработи точно 1.014 часовници од 18-каратно жолто злато и го привлече вниманието на многу колекционери. Меѓу привилегираните личности кои добија ваков модел беа повеќе астронаути на НАСА, а првиот му беше подарен на претседателот на САД, Ричард Никсон.
За да го одбележи значајниот јубилеј, OMEGA сега создаде ексклузивен модел на OMEGA Speedmaster.
“
„Пред 50 години, човештвото ги направи првите чекори на Месечината. OMEGA Speedmaster беше таму, завиен околу зглобовите на астронаутите, а оваа година, му оддаваме почит на долготрајното наследство од таа мисија со лимитирано издание на часовници за 50-годишнината на Аполо 11.“
Како и оригиналната серија од 1969 година, и од Apollo 11 50th Anniversary Speedmaster се произведени само 1.014 часовници. За новото издание, брендот го замени 18-каратното жолто злато со омега-ексклузивно 18-каратно злато наречено „Злато Месечев блесок“. Новата легура содржи повеќе паладиум за да се спречи дисколорацијата која може да се случи кај обичното 18-каратно злато.
Секој од часовниците доаѓа во луксузна 3D испечатена кутија која ја отсликува површината на Месечината. Сивите керамички панели се структурирани различно, па секоја кутија е уникатна.
„Дополнително, горниот панел на секоја е испечатен со слика од Морето на Спокојството, местото каде што слета Аполо 11“ - опишуваат од OMEGA.
Интересен факт: Нил беше првиот човек кој стапна на Месечината, но својот часовник тој го остави во лунарниот модул, како бекап за расипан тајмер. Па, часовникот кој го носеше Олдрин е всушност првиот часовник носен на Месечината.
Баз Олдрин носи OMEGA Speedmaster за време на мисијата Аполо 11
