Жена го роди своето второ дете на паркингот пред болницата, а стана вирален хит откако сподели фотографии и видео на социјалните мрежи.
Џејси Ролф, која е медицинска сестра, планирала да се породи дома и ја повикала својата дула кога започнале породилните болки. Но, кога контракциите зачестиле на 3-5 минути, одлучила да отиде во болница. Патувањето дотаму траело 35 минути, но кога преостанувале уште 15 минути до пристигнувањето, Џејси почувствувала дека бебето брзо се спушта низ родилниот канал.
„Имаше момент на мала паника кога сфатив дека најверојатно ќе морам да се породам во автомобилот. Сопругот Даниел и мајка ми се кикотеа со нервозна енергија. Разговаравме додека не сфатив дека ќе се породам, но тие ми дадоа огромна поддршка“ – објаснила мајката.
Кога пристигнале пред болницата, Даниел истрчал внатре за да ги информира докторите за она што се случувало. Кога се вратил во автомобилот, бебето се родило на задното седиште.
@jayceerolf Happy International Women’s Day celebrated by sharing my car birth 6 days ago! Truly never felt more like a woman than my 2 unmedicated births #birth #laboranddelivery #carbirth #internationalwomensday #naturalbirth #unmedicatedbirth #pregnancy #birthstory #fyp #lifestyle #motherhood ♬ Million Little Miracles (feat. Joe L Barnes) - Elevation Worship & Maverick City Music
@jayceerolf Me casually 4 months ago today immediately after I delivered my baby in the car right outside the hospital. BASED ON A TRUE STORY #momsoftiktok #laboranddelivery #delivery #birthstory #carbirth #naturalbirth #unmedicatedbirth #secondbornchild #pregnanttiktok #fypage #viral ♬ original sound - Jaycee Rolf
Родилката веднаш била префрлена во болницата за да ѝ биде направен преглед и останала таму 24 часа пред да биде пуштена дома.
„Не можев ништо да направам, таа доаѓаше и морав да прифатам дека тоа е патот одреден за мене... За среќа, немав никакви компликации во ниту една од моите бремености“ – рекла таа.
„Кога ќерка ми ќе биде доволно голема за да разбере, ќе ѝ го кажам забавниот факт дека е родена во автомобил. Лудо е. Со сопругот се смеевме цел пат до дома, изненадени од она што се случи“ – додала Џејси.
Бебето Францис Луиз сега има шест месеци.
