Видео од емотивен момент нема да ве остави рамнодушни.
Во него, татко танцува со својата ќерка во болница додека таа го чека денот кога ќе ѝ биде извршена трансплантација на срце.
10-годишната Ава Купер поради здравствената состојба морала да престојува во болница и била принудена да ја пропушти школската забава на која татковците танцуваат со ќерките.
Затоа, нејзиниот грижлив татко решил да ѝ организира токму таква игранка во болничките простории. Слаткото девојче се дотера во розово фустанче и со помош на медицинските сестри се упати на местото каде беше изненадувањето.
Ава мора постојано да биде приклучена на апарат кој помага во пумпањето крв низ целото нејзино тело.
Видео:
