Мало девојче со голема смелост одлучи да се натпреварува само и победи откако другите членови од екипата не се појавија.
8-годишната Пејтон Торсби стана вирален хит со победата на натпревар за мажоретки. Ниту едно од другите девојчиња од тимот не се појавило на натпреварот, некои поради обврски, некои поради болест, а едно девојче задоцнило и не смеело да учествува.
„Бев исплашена и многу нервозна. Имав пеперутки во телото и стомакот“.
„Не сакав мојот тим да се разочара од мене што не го претставував, па донесов одлука. Сакав да излезам таму и да направам семејството и пријателите да се гордеат со мене“ – рече Пејтон.
Мајката на Пејтон, Никол, рече дека не можела да си ги задржи солзите кога нејзината ќерка го добила пехарот.
„Со тренерите плачевме. Не можев да поверувам. Таа е неверојатна. Дојде и ми рече: ‘Мамо, успеав. Не ми се верува дека успеав. Го направив тоа мамо’. Само тоа го повторуваше, бидејќи беше во шок. Се гордееше со себе“ – рече мајката.
Никол вели дека секојдневно прави сè што може за да им ја зголеми самодовербата на нејзините деца и дека ова е доказ колку е важно тоа.
