Ако постојано ги наведувате вашите години како изговор за да не тренирате и да не се грижите за вашето тело, Џен Хердман ќе ви докаже дека грешите.
65-годишната бодибилдерка започнала да тренира на 40 години, по распадот на нејзиниот брак со бившиот сопруг, а сега инспирира илјадници жени да го следат нејзиниот пример.
„Пресвртница беше крајот на мојот брак. Се чувствував безвредно и мојата самодоверба беше премала. Верував дека ми е потребен сопругот за да имам исполнет живот, па бев скршена кога бракот заврши. Оставив сè зад себе и започнав да живеам со девојка која беше личен тренер и која ме охрабри да ги насочам фрустрациите и очајот кон кревање тегови“ – рекла Хердман, која досега има победено на повеќе бодибилдинг натпревари.
Џен постојано руши бариери и стереотипи, сакајќи да ги охрабри сите луѓе да преземат одговорност за нивните животи. Таа верува дека никогаш не е предоцна да се започне со тренирање и дека среќата која ја носи фитнесот е неверојатна.
„Одбивам да дозволам возраста да ме дефинира. Секој ден е можност да се предизвикам себеси, да ги поместам моите граници и да ги инспирирам другите да го откријат нивниот целосен потенцијал. Возраста никогаш не треба да биде бариера за да ги следите вашите соништа.“
„Започнав да тренирам на 40 години и тоа беше најдобрата одлука во мојот живот. Денес, ги охрабрувам и другите жени да го направат истото. Никогаш не е предоцна да започнете, бидејќи физичката активност нуди безброј придобивки на секоја возраст. Без разлика дали сакате да си го подобрите целокупното здравје, да си ја зголемите силата или да си го подобрите менталното здравје, започнувањето на фитнес патување може да ви го промени животот.“
„Јас сум жив доказ дека е возможно да се создаде фитнес рутина подоцна во животот“ – вели таа.
Гледајќи ја нејзината мајка како станува сè послаба и неспособна да се грижи за себе, Џен тргнала на мисија за зајакнување на сопственото тело и трансформирање не само на нејзиниот живот, туку и на животот на нејзините фанови.
„Сакам да им помогнам на луѓето и да им покажам дека имаме избор да бидеме силни ментално, емоционално и физички. Мојот фокус е сите да ги охрабрам да започнат да тренираат со тегови колку што е можно порано, но дефинитивно треба да го прават тоа по 40-тата и 50-тата година. Не само што има придобивки за нашите мускули и за нашите коски, туку и помага во превенцијата од рак и деменција. Тоа е магичната ампула по која сите трагаат“ – тврди Џен.
@jan.herdman #bodybuilding #bodypositivity #bodybuildingmotivation #fitover60 #womenwholift #trainhard #workoutroutine #workoutmotivation #oldisgold #bodybuilderaustralia #australiatiktok ♬ Collide (more sped up) - Justine Skye
@jan.herdman DONT GIVE UP! #workoutraining #workoutmotivation #over50 #seniortraining #over60 ♬ Cool Kids (our sped up version) - Echosmith
@jan.herdman Believe in yourself! #summerbody #bodybuilding #bodybuildingaustralia #bodybuilder50 #bodybuilder60 #bodypositivity #trainingroutine #trainingmotivation #transformation #weightloss #weightlosstransformation ♬ original sound - Jan Herdman
