Грижлив внук ѝ приреди слатко изненадување на баба си откако дозна дека таа работела како интернационален модел во минатото.
Оли Мул ангажираше тим од професионалци за фотосесија во Париз, во која главна ѕвезда е баба му Карин. Но, ниту 20-годишниот дечко, ниту 77-годишната баба не мислеле дека ќе станат вирален хит онлајн. Прегледите на видеата на Оли се милионски, а коментарите се полни со комплименти за двајцата.
На дел од фотографиите, Оли позира заедно со Карин, а на некои се појавува и неговиот дедо.
„Секогаш ми беше фасцинантно да ја слушам како зборува за нејзиниот гламурозен живот пред да стане мајка и баба. Сакав да ѝ дадам шанса да ја оживее таа страст и да се врати во центарот на вниманието. Има направено премногу за мене, па ова беше мој начин да ја испочитувам за сè што ми има дадено“ – рекол Оли.
Од компанијата Dove контактираа со Оли за да ги искористат фотографиите од Карин за нивна реклама.
@olliemuhl Grandma is officially a @Dove Beauty & Personal Care model #DovePartner #DoveBeautyBar #BeautyNeverGetsOld ♬ original sound - Ollie
„Тимот ангажиран за фотосесијата се погрижи стајлинзите да го рефлектираат нејзиниот карактер и ерата од којашто доаѓа, што беше многу специјално. Таа беше пресреќна со крајниот резултат – тој навистина ја отслика нејзината елеганција и нејзиниот стил“ – објаснил внукот.
„Видов страна од неа која само ја слушав во приказните и гледав фотографии. Целиот проект не беше само потсетување на старите спомени, туку и создавање на нови заеднички. Беше незаборавно“ – додал тој.
@olliemuhl I better be the favorite grandchild after this A huge thanks to everybody that helped to make this happen. Truly a special moment for my grandma.
♬ original sound - Ollie
