Маж од Босна и Херцеговина изгради куќа која ротира 360 степени за да ја усреќи сопругата.
Војин Кусиќ од Србац го израдил семејниот дом на тркала и сега неговата животна сопатничка може да избира каков поглед од прозорецот ќе има секој ден.
72-годишниот Босанец сам ја направил куќата, а вели дека за тоа му биле потребни шест години.
„Кога достигнав одредена возраст и откако децата го презедоа семејниот бизнис, конечно имав време да си дадам себеси за задача да ѝ ја исполнам големата желба на жена ми“ – вели Војин.
Првата куќа во која живееле со сопругата Љубица, тој ја направил со таков распоред за таа да може да го гледа изгрејсонцето од спалната соба. Но, тоа значело дневната соба да биде спротивнo од главниот пат, па по неколку години, Љубица запонала да се жали дека не може да гледа кој им влегува во дворот.
Поради тоа, Војин морал да ремоделира сè во куќата. „Морав да рушам ѕид помеѓу двете спални соби за да ги претворам во дневна соба и да ги преместам сите електрични инсталации. Тоа беше многу тешка задача и бараше многу од мене, но го направив тоа што го сакаше“ – изјавил Кусиќ.
Години подоцна, тој дошол до оваа идеја. „Куќата може да направи целосен круг за 24 часа со најмала брзина, додека со најбрза ротација може да направи целосен круг за 22 секунди“ - вели Кусиќ.
This man says his wife was undecided about the view she wanted to see from their window, so he came up with a solution: a rotating house. https://t.co/p9kgy0UZV9 pic.twitter.com/94VorCV0Tz
— CNN International (@cnni) October 11, 2021
Во текот на градењето, Војин доживеал срцев удар и подолг период порестојувал во болница.
„Ги замолив лекарите да се обидат да ми го продолжат животот барем за една година, бидејќи целиот проект е во мојата глава, никој нема да знае како да го заврши“ – изјавил тој.
