Близначки се родија во период од неколку минути, а сепак имаат различни родендени. Сестричките Ени Џо и Ефи Роуз ќе слават родендени на различен ден, во различен месец, па дури и во различна година.
Нивната мајка Кали Џо Скот од Калифорнија се породи на новогодишната ноќ. Првото девојче се роди на 31 декември 2022 година во 23 часот и 55 минути, додека второто бебенце дојде на овој свет на 1 јануари 2023 година, само една минута по полноќ.
„Го обожавам ова. Сметам дека е пресмешно и супер забавно“ – вели мајката.
Родителите биле возбудени што нивните ќерки ќе имаат различни родендени, бидејќи ретки се близнаците кои ја имаат таа можност.
„Секогаш сакате да се потрудите тие да имаат свој индивидуален карактер и да направите да знаат дека се посебни и уникатни. Така, ова се додава како плус на таа посебност и уникатност што некои близнаци можеби не ја добиваат“ – велат среќните родители.
