Гимнастичарките на САД со стил го освоија златниот медал во екипна конкуренција на Олимписките игри во Париз.
Тимот на Соединетите Американски Држави буквално блескаше на секое појавување во различните дисциплини. Но, заслужни за тоа не беа само вештините на гимнастичарките, туку и впечатливите трикоа кои тие ги носеа додека се натпреваруваа.
Симон Бајлс, Џордан Чајлс, Џејд Кери, Суниса Ли и Хезли Ривера пристигнаа во Париз со сетови од по осум трикоа украсени со 47.000 сваровски кристали. Олимписките дизајни се резултат на двегодишна работа на компанијата за трикоа GK Elite.
Овие модели не се достапни за продажба, но кога би биле, секој од нив би чинел по 3.000 долари.
„Мислам на тоа колку се специјални овие моменти, особено Олимписките игри, кои се одржуваат еднаш на четири години и како ќе се чувствуваат гимнастичарките. Без разлика на нивните настапи, сакам да се чувствуваат неверојатно и убаво кога ќе излезат и ќе ги претстават САД во трикоа во кои ќе се гордеат“ – рекла Ени Хефернон, потпретседателка на програмата за жени во USA Gymnastics.
